Aðgengisvottun

Heimabanki Sparisjóðsins hefur hlotið vottun frá fyrirtækinu Sjá ehf. og Öryrkjabandalaginu um að vefurinn standist kröfur um aðgengi fyrir fatlaða. Heimabanki Sparisjóðsins hefur fengið bæði vottun fyrir forgang 1 og 2 og er fyrsti bankinn á Íslandi til þess að fá slíka vottun (fyrir 1 og 2). Forgangur 1 er lágmarkskrafa um aðgengi fatlaðra að vef en til að fá forgang 2 þarf að uppfylla mun fleiri skilyrði.

Það sem gert hefur verið til að bæta aðgengið á vefnum er meðal annars:

• Hægt er að skoða bankann í skjálesurum en þá nota blindir og sjónskertir og hafa skilgreiningar fyrir töflur, innfyllingarreiti o.fl. verið settar inn.
• Fyrirsagnir hafa verið settar inn á vefinn en slíkt auðveldar notendum sjálesara að vafra um bankann.
• Hægt er að stækka og minnka letrið á skjánum.
• Hægt er að breyta um bakgrunnslit fyrir sjónskerta og/eða lesblinda notendur.
• Hreyfihamlaðir geta vafrað um vefinn án þess að nota músina.
• Öll tenglaheiti eru skýr.
• Allar skammstafanir hafa annaðhvort verið teknar út eða eru með útskýringu.
• Allar myndir hafa útskýringatexta (alt texta).

Vottun vefráðgjafarfyrirtækisins Sjá byggist á gátlistanum WAI (Web Accessibility Initiative) hefur verið uppfærður miðað við nýjustu útgáfu sem er alþjóðlegur staðall fyrir aðgengi á Netinu. Sjá hefur í samvinnu við Öryrkjabandalag Íslands sniðið listann að íslenskum aðstæðum og hefur hann verið prófaður af notendum með margs konar fötlun.

Loka glugga